BAKI, AzerVoice
Omanın paytaxtı Məsqətdə İranın nüvə proqramı ilə bağlı böhranın həlli üzrə ABŞ və Tehran arasında danışıqların növbəti mərhələsi başlayıb.
AzerVoice xəbər verir ki, bu barədə İran mətbuatı məlumat yayıb.
Qeyd edək ki, bu vaxta qədər ABŞ və İran Omanın vasitəçiliyi ilə üç danışıqlar raundu keçiriblər. Birinci raund aprelin 12-də Məsqətdə, ikinci aprelin 19-da Romada, üçüncü isə aprelin 26-da yenidən Məsqətdə baş tutub. İran nümayəndə heyətinə Xarici İşlər Naziri Seyid Abbas Araqçi rəhbərlik edir, ABŞ tərəfini isə Donald Trampın xüsusi nümayəndəsi Stiven Uitkoff təmsil edir.
İran Xarici İşlər Nazirliyinin rəsmi nümayəndəsi İsmayıl Bəqai daha əvvəl bildirib ki, danışıqların dördüncü mərhələsi texniki məsləhətləşmələrlə paralel şəkildə keçiriləcək. Bu məsləhətləşmələr zamanı hər iki ölkənin nümayəndə heyətləri mümkün razılaşmanın detalları üzərində müzakirələr aparacaqlar. Üçüncü raund da bu formata uyğun şəkildə baş tutmuşdu.