BAKI, AzerVoice
Hindistan və Pakistan arasında atəşkəs razılaşmasının əldə olunmasından bir neçə saat sonra Cammu və Kəşmir bölgəsinin paytaxtı Srinaqar şəhərində partlayışlar baş verib.
AzerVoice xəbər verir ki, bu barədə bölgənin baş naziri Ömər Abdullah məlumat verib.
“Təzəcə elan olunan atəşkəsə nə oldu? Srinaqarın hər yerində partlayış səsləri eşidilir” – deyə, o X sosial şəbəkəsində yazıb.
Habelə, Udhampur şəhəri üzərində pilotsuz uçuş aparatları (PUA) görünüb. Hadisə zamanı hava hücumundan müdafiə sistemi işə düşüb və şəhərdə elektrik enerjisi kəsilib.
Qeyd edək ki, ABŞ prezidenti Donald Tramp Hindistan və Pakistanın atəşkəs barədə razılığa gəldiyini açıqlayıb. Pakistanın Xarici İşlər Naziri Məhəmməd İshaq Dar da Pakistan və Hindistanın atəşkəs haqqında anında razılaşdıqlarını bildirib.