BAKI, AzerVoice
İranda partlayış baş verən limanda yenidən yanğın olub.
AzerVoice xəbər verir ki, İranın Bəndər Abbas şəhərində yerləşən Şəhid Rəcəi limanında konteynerlərin daşınması zamanı yanğın baş verib. Hadisə hidravlik pompanın sıradan çıxması nəticəsində baş verib və qısa müddət ərzində nəzarətə alınıb.
İran Dövlət Televiziyasının yaydığı məlumata görə, Hörmüzqan əyalətindəki limanda konteynerləri daşıyan avadanlıqlardan birinin hidravlik nasosunda nasazlıq yaranıb. Nəticədə yerə axan yanacaq alışaraq yanğına səbəb olub. Hadisəyə dərhal müdaxilə olunub və yanğın böyümədən söndürülüb.
Qeyd edək ki, 26 aprel tarixində sözügedən limanda baş verən güclü partlayış nəticəsində onlarla insan həlak olub, təxminən 1200 nəfər isə yaralanmışdı. İranın Daxili İşlər naziri İskəndər Mumini partlayışın təxribat olmadığını, hadisənin ehtiyatsızlıq nəticəsində baş verdiyini açıqlamışdı.
