BAKI, AzerVoice
ABŞ və İran nümayəndə heyətlərinin İranın nüvə proqramı ilə bağlı məsləhətləşmələri logistik səbəblərə görə təxirə salınıb.
AzerVoice xəbər verir ki, bu barədə Oman xarici işlər naziri Bədr əl-Busaidi məlumat verib.
“Logistik səbəblərə görə şənbə günü İranda keçirilməsi planlaşdırılan görüşü təxirə salırıq. Yeni tarix qarşılıqlı razılaşmadan sonra açıqlanacaq” - deyə, nazir qeyd edib.
Xatırladaq ki, aprelin 26-da Omanın vasitəçiliyi ilə Məsqətdə ABŞ və İran arasında İranın nüvə proqramı üzrə böhranın həllinə dair dolayı danışıqların üçüncü mərhələsi baş tutub. Danışıqların birinci mərhələsi aprelin 12-də Məsqətdə, ikinci mərhələsi isə aprelin 19-da Romada keçirilmişdi. Məlumata görə, mayın 3-də keçirilməsi planlaşdırılan danışıqlarda İran nümayəndə heyətinə xarici işlər naziri Seyid Abbas Araqçi, ABŞ nümayəndə heyətinə isə prezidentin xüsusi nümayəndəsi Stiven Uitkoff rəhbərlik etməli idi.