BAKI, AzerVoice
ABŞ-nin Pensilvaniya və Ohayo ştatlarında güclü fırtına baş verib.
AzerVoice xəbər verir ki, bu barədə yerli rəsmilər məlumat verib.
Məlumata görə, fırtına zamanı Pensilvaniyanın State College və Pittsburq şəhərlərində elektrik dirəkləri aşıb. Nəticədə elektrik cərəyanına qapılan üç nəfər həyatını itirib.
Məlumatda qeyd olunub ki, aşan ağaclar və dirəklər səbəbilə Pensilvaniyada 450 minə yaxın, Ohayoda isə 50 mindən çox insan elektrik enerjisindən məhrum qalıb.
ABŞ Milli Meteorologiya Xidmətinin Pittsburq bölməsi, fırtınanın sürətinin saatda 145 kilometrə qədər çıxdığını bildirib.
Rəsmilər xəbərdarlıq ediblər ki, Pensilvaniya və Ohayoda müşahidə olunan ağır hava şəraiti Arkanzas, Texas və Luiziana ştatlarına qədər yayılaraq güclü küləklərlə birlikdə sel təhlükəsi yaradacaq leysan yağışlarına səbəb ola bilər.