BAKI,AzerVoice
Rusiya və Ukrayna atəşkəs razılaşmasına çox yaxındır.
AzerVoice xəbər verir ki, ABŞ prezidenti Donald Tramp Rusiya və Ukrayna arasında atəşkəs razılaşmasının "çox yaxın" olduğunu bildirib və tərəfləri yüksək səviyyədə görüşə çağırıb.
Tramp bu açıqlamanı İtaliyanın paytaxtı Romaya səfəri zamanı, Papa Fransiskin dəfn mərasiminə qatılmaq üçün gəldikdən dərhal sonra Truth Social hesabında yayımlayıb. O qeyd edib: “Razılaşmaya çox yaxınıq və tərəflər bu prosesi yekunlaşdırmaq üçün yüksək səviyyədə bir araya gəlməlidir. Qan tökülməsini indi dayandırın. Biz bu mənasız müharibənin sonunu asanlaşdırmaq üçün lazım olan yerdə olacağıq.”
Qeyd edək ki, ABŞ administrasiyası son zamanlar Rusiya-Ukrayna münaqişəsinin diplomatik yollarla həlli üçün vasitəçilik səylərini artırıb və Trampın son açıqlamaları sülh prosesinin yeni mərhələyə keçdiyinə işarə edir.