BAKI, AzerVoice
Vaşinqtonun İranla apardığı danışıqlar çox yaxşı gedir.
AzerVoice xəbər verir ki, bu barədə ABŞ prezidenti Donald Tramp bildirib.
O bəyan edib ki, danışıqların nəticələrin nə olacağını anlamaq üçün hələ zamana ehtiyac var.
"İranla bağlı çox yaxşı görüşlərimiz oldu. Görək nəticəsi nə olacaq" – deyə, o bildirib.
Xatırladaq ki, aprelin 19-da Romada İranla ABŞ arasında Tehran nüvə proqramı ilə bağlı fikir ayrılıqlarının həlli məqsədilə, Oman vasitəçiliyi ilə, dolayı danışıqların ikinci mərhələsi keçirilib.
ABŞ nümayəndə heyətinə prezidentin xüsusi elçisi Stiven Uitkoff, İran tərəfinə isə xarici işlər naziri Seyid Abbas Araqçi rəhbərlik edib. Texniki səviyyədə aparılacaq məsləhətləşmələrdən sonra Araqçi və Uitkoffun növbəti görüşü aprel 26-də keçiriləcək.
