Bakı, AzerVoice
HƏMAS tərəfdarları deportasiya ediləcək, biz İsraili məhv etmək istəyənləri ABŞ-da istəmirik.
AzerVoice xəbər verir ki, bu sözləri ABŞ-da Respublikaçı namizəd Donald Tramp antisemitizmə qarşı keçirilən tədbirdə deyib. O, öz çıxışında HƏMAS-ı hədəf alıb.
Noyabrın 5-də keçiriləcək seçkilərdə ABŞ-ın keçmiş prezidenti və Respublikaçılar Partiyasından prezidentliyə namizəd Donald Tramp bazar günü keçirilən tədbirdə hakimiyyətə gələrsə, HƏMAS tərəfdarlarını deportasiya edəcəyini bildirib.
Nyu Cersidə keçirilən “Antisemitizmi dayandırın” tədbirində çıxış edən Tramp “Prezident olacağım təqdirdə xarici cihadçı simpatizanları tez bir zamanda deportasiya edəcəyəm və HƏMAS tərəfdarları gedəcək” deyib.
Əgər Amerikaya nifrət edirsinizsə, İsraili məhv etmək istəyirsinizsə, biz sizin ölkəmizdə olmağınızı istəmirik”, - deyə Tramp əlavə edib.
Tramp həmçinin bəyan edib ki, “Qəzza zolağı kimi terrorla dolu yerlərdən” gələn qaçqınlar ABŞ-a daxil ola bilməz.
