Bakı,AzerVoice

ABŞ-ın keçmiş prezidenti Tramp, təxminən 4 ildən sonra İsrailin baş naziri Netanyahu ilə keçirdiyi ilk görüşdə prezident Bayden və vitse-prezident Harrisi günahlandıraraq, “Bayden administrasiyası İsrail üçün heç nə etməyib” deyib.

AzerVoice xəbər verir ki, ABŞ-ın keçmiş prezidenti, Respublikaçılar Partiyasından prezidentliyə namizəd Donald Tramp Florida ştatındakı evində İsrailin baş naziri Netanyahu və xanımı Sara Netanyahunu qəbul edib.

Tramp və Netanyahu görüşə əsnasında binanın girişində əl sıxıb, gülümsəyərək kameralar qarşısında səmimi pozalar veriblər.

Bildirilib ki, bağlı qapılar arxasında keçirilən görüşdə Yaxın Şərq və Qəzzadakı son vəziyyət və ABŞ-İsrail münasibətləri hərtərəfli müzakirə edilib.

Daha sonra Amerika mediasına əks olunan görüntülərə görə, görüşdən əvvəl zalda mətbuat mənsublarının bəzi suallarını cavablandıran Tramp İsrailin onların ən önəmli dostlarından biri olduğunu bildirib və Bayden rəhbərliyini günahlandırıb.

ABŞ-ın vitse-prezidenti Kamala Harrisin dünən Netanyahu ilə görüşündən sonra dediklərini tənqid edən Tramp, "Onun sözləri hörmətsizlik ehtiva edirdi və nəzakətli deyildi. Bir yəhudinin ona (Harrisə) necə səs verəcəyini bilmirəm, amma bu, onlara bağlıdır, amma o, həqiqətən də İsrailə qarşı hörmət bəsləmirdi idi”, dedi.

Prezidentliyi dövründə İsrail üçün güclü addımlar atdığını ifadə edən Tramp, "İsrailə çox yaxşı idim, bütün əvvəlki prezidentlərdən daha yaxşı idim. Colan Təpələri və Qüdsü paytaxt olaraq qəbul etdirmək üçün çox səy göstərdik. Səfirliyimizi Qüdsdə qurduq. Və təbii ki, İranla nüvə sazişi. Təəssüf ki, Bayden administrasiyası heç nə etmədi.",-deyə əlavə etdi.

İranla nüvə razılaşmasını ləğv etməklə İsrailə ən böyük yaxşılığı etdiklərini iddia edən Tramp, Bayden administrasiyasının bu mövzuda heç bir şey etmədiyini bildirib.

Tramp həmçinin Demokratların prezidentliyə namizədi olmuş Harrisin Yaxın Şərqlə bağlı məsələlərdə Baydendən daha pis olduğunu bildirib.