BAKI, AzerVoice

Qəzza müharibəsi yaxın vaxtda bitəcək, ABŞ İranla birbaşa danışıqlara başlayacaq

AzerVoice xəbər verir ki, ABŞ prezidenti Donald Tramp İranla birbaşa danışıqların şənbə günü keçiriləcəyini və Qəzza müharibəsinin tezliklə sona çatacağını bəyan edib.

Tramp bu fikirləri Ağ Evdə İsrailin baş naziri Binyamin Netanyahu ilə görüş zamanı səsləndirib.

Tramp bildirib ki, şənbə günü “çox mühüm və yüksək səviyyəli” görüş keçiriləcək və bu görüş İranla birbaşa danışıqların başlanğıcı olacaq. O, İranın nüvə silahına sahib olmayacağını vurğulayıb və razılığa gəlinməsə, Tehranın ciddi təhlükə ilə qarşılaşacağını deyib.

Netanyahu isə Qəzzada saxlanılan girovların azad edilməsi üçün yeni razılaşma üzərində işlədiklərini və bu məsələni Trampla müzakirə etdiklərini bildirib.

Qeyd edək ki, Tramp İranın nüvə proqramı ilə bağlı danışıqların yalnız təhdid və təzyiqsiz mühitdə mümkün olduğunu bildirib. İran isə ABŞ-ın təklif etdiyi birbaşa danışıqları rədd edərək, yalnız dolayı danışıqlara hazır olduğunu bəyan edib.

Bundan əlavə, tərəflər Suriya və Türkiyə ilə bağlı regional təhlükəsizlik məsələlərini də müzakirə ediblər. Tramp, həmçinin ABŞ-ın ticarət siyasətinə toxunaraq, Avropa İttifaqı və Çinlə bağlı tarif mövzusuna aydınlıq gətirib.