Bakı,
AzerVoice
Almaniyada dünən keçirilən ümumi seçkilərdə qalib gələn Xristian
Demokrat İttifaqının (CDU) lideri və Xristian Birlik Partiyasının
(CDU) kanslerliyə namizədi Fridrix Merz həbs qərarı çıxarılan
İsrailin baş naziri Benyamin Netanyahuya ölkəsinə səfər etmək üçün
yollar tapacağına söz verib.
AzerVoice xəbər verir ki , Berlində mətbuat konfransı keçirən Merz, dünən Netanyahu ilə telefonla danışdığını bildirərək, "Mənə zəng edib təbrik etdi. Bir-birimizi çox yaxşı tanıdığımızı bilirsiniz" - deyə bildirib. .
Merz, Netanyahuya Almaniyada hökumət qurulduqdan sonra dərhal görüşməli olduqlarını söylədiyini bildirərək, "Ona söz verdim ki, Almaniyaya səfər etməyi planlaşdırırsa, həbs olunmadan yenidən getməsi üçün yollar və vasitələr tapacağıq" ifadəsini işlədib.
Merz, İsrail baş nazirinin Almaniyaya səfər edə bilməyəcəyi fikrinin qəribə olduğunu qeyd edərək, Netanyahunun ölkəyə rahatlıqla səfər edə biləcəyini müdafiə edib.
Qeyd edək ki, Beynəlxalq Cinayət Məhkəməsi (ICC) İsrailin baş naziri Netanyahu və keçmiş müdafiə naziri Yoav Gallantın Qəzzada törətdiyi hərbi cinayətlər və insanlığa qarşı cinayətlərə görə həbsinə order verib.
