BAKI, AzerVoice
Suriya hakimiyyəti fələstinliləri dəstəkləyir və Qəzza zolağında atəşkəsin elan olunmasını tələb edir.
AzerVoice xəbər verir ki, bunu Suriyanın xarici işlər naziri Əsəd Həsən Şeybani Nyu-Yorkda BMT Baş Assambleyasının üzvləri qarşısında çıxış edərkən deyib.
“Biz fələstin xalqını dəstəkləyirik. Qəzzada dərhal atəşkəsin elan olunmasını və humanitar yardımın maneəsiz çatdırılmasının təmin olunmasını tələb edirik” – deyə, nazir qeyd edib.
Şeybani həmçinin vurğulayıb ki, Suriya xalqı İsrail tərəfindən gələn təhdidlər fonunda narahatlıq içindədir.
“Bizim milli səylərimiz İsrailin hava məkanımızı və sərhədlərimizi pozmaqda davam etməsi səbəbindən real təhlükə altındadır” - deyə, Şeybani bildirib.
“Ölkəmizin təhlükəsizliyi qonşularımızın təhlükəsizliyi və sabitliyindən asıllıdır. Biz sülhə təhdid yaradan istənilən siyasəti rədd edirik” – deyə, Şeybani əlavə edib.
