Bakı,AzerVoice
İsrailin baş naziri Benyamin Netanyahu ABŞ prezidenti Co Baydenin Qəzza zolağında girovların azad edilməsi təklifini “natamam” hesab edir. İsrail hökumət sözçüsü Devid Mincer Netanyahuya istinadən bildirib ki, ABŞ prezidenti Co Bayden Qəzzada müharibənin dayandırılması planını təqdim edərkən yalnız bəzi detalları açıqlayıb.
Netanyahunun ofisi daha əvvəl təsdiqləmişdi ki, HƏMAS ilə məhbus mübadiləsi sazişi layihəsinə Qəzza zolağında müharibəni dayandırmaq üçün heç bir bənd daxil deyil.
Qeyd edək ki, Netanyahu bazar ertəsi İsrailin Qəzzada əsas prioritetinin HƏMAS hərəkatını aradan qaldırmaq olduğunu deyib və bu hədəfin girovların azad edilməsi məqsədi ilə yanaşı davam edəcəyini və hər iki hədəfin ən yüksək səviyyədə təsdiq edilmiş müharibəni bitirmək planına daxil edildiyini vurğulayıb.
"Biz oğurlananları geri qaytarmaq üçün saysız-hesabsız üsullarla çalışırıq.Mən hər zaman onlar və onlar, ailələri və çəkdikləri əziyyətlər haqqında düşünürəm”-deyə o bildirib.
