BAKI,AzerVoice
Neft bazarında qiymət enişi müşahidə olunub. Azərbaycanın "Azeri Light" markalı xam neftinin dəyəri İtaliyanın Augusta limanında CIF bazisi üzrə ötən günlə müqayisədə 0,51 ABŞ dolları və ya 0,68% azalaraq 74,17 dollar/barel səviyyəsinə enib. Bu barədə AzerVoice-a bazar mənbələri məlumat verib.
Bənzər dinamika Türkiyənin Ceyhan limanı üzrə də qeydə alınıb. Burada FOB bazasında "Azeri Light" neftinin bir barelinin qiyməti 0,51 dollar və ya 0,69% azalaraq 72,92 dollar olub.
Digər aparıcı neft markalarında da azalma müşahidə olunub:
– Rusiyanın “URALS” markalı nefti 0,52 dollar
və ya 0,89% ucuzlaşaraq 58,01 dollar/barel,
– Şimal dənizinin “Dated Brent” markalı nefti isə
0,41 dollar və ya 0,58% ucuzlaşaraq 70,73
dollar/barel səviyyəsində qərarlaşıb.
Qeyd edək ki, Azərbaycanın 2025-ci il dövlət büdcəsində neftin orta qiyməti 70 ABŞ dolları nəzərə alınmaqla hesablanıb. Hazırda qiymətlər büdcə proqnozlarına yaxın olsa da, dalğalanmalar gəlirlərə birbaşa təsir göstərə bilər.