BAKI, AzerVoice, Nailə Babazadə
İsrail ordusunun Qəzza zolağında davam etdiyi hücumlar nəticəsində həyatını itirən fələstinlilərin sayı 71 min 441-ə yüksəlib.
AzerVoice xəbər verir ki, Qəzzadakı Səhiyyə Nazirliyi İsrailin hücumları nəticəsində yaşanan can itkilərinə dair son məlumatları açıqlayıb. Verilən məlumata görə, 2023-cü ilin oktyabr ayından bəri davam edən hərbi əməliyyatlar zamanı yaralananların ümumi sayı isə 171 min 329 nəfərə çatıb.
Nazirliyin yazılı bəyanatında o da qeyd olunub ki, Qəzzada atəşkəs elan edildiyi gündən bu yana İsrail qüvvələrinin hücumları nəticəsində daha 451 nəfər həyatını itirib, 1251 nəfər isə müxtəlif dərəcəli bədən xəsarətləri alıb. Bölgədəki xəstəxanalar və tibbi məntəqələr hələ də yaralıların müalicəsi üçün ciddi dərman və tibbi ləvazimat çatışmazlığı ilə mübarizə aparır.