BAKI, AzerVoice, Nailə Babazadə

Səudiyyə Ərəbistanının vəliəhdi Məhəmməd bin Salman və Bəhreynin vəliəhdi Şeyx Salman bin Həməd Al-Xəlifə Çərşənbə günü Manamada keçirilən Səudiyyə–Bəhreyn Koordinasiya Şurasının dördüncü iclasına birgə sədrlik edərək bir sıra sazişlər imzalayıblar. Vəliəhd şahzadələr ölkələri arasında əməkdaşlığı möhkəmləndirməyə və bütün sahələrdə ikitərəfli münasibətləri inkişaf etdirməyə hazır olduqlarını bildiriblər.

Krallığın nazirləri və onların Bəhreynli həmkarları bir neçə anlașma memorandumu imzalayıblar. Bunlar arasında Səudiyyə Nüvə və Radioloji Tənzimləmə Komissiyası ilə Bəhreynin Ali Ətraf Mühit Şurası arasında nüvə təhlükəsizliyi və radiasiyadan mühafizə sahəsində əməkdaşlıq memorandumu da var.

Digər razılaşmalar diplomatik təhsil sahəsində əməkdaşlıq, ikiqat vergitutmanın aradan qaldırılması, rəqabətin qorunması, birbaşa investisiyaların təşviqi və dayanıqlı inkişaf, sosial inkişaf, nəqliyyat və təhsil sahələrində əməkdaşlığın genişləndirilməsini əhatə edir.

Bu addımlar, Riyad və Manama arasında strateji tərəfdaşlığın möhkəmləndirilməsinə və regional əməkdaşlığın inkişafına xidmət edir.