BAKI, AzerVoice
Jurnalist Adem Əbu Herbid və onun üç qohumu İsrail ordusunun Qəzza zolağının şimalına hücumu nəticəsində həlak olub.
AzerVoice xəbər verir ki, Hökumətin Qəzzadakı Media Ofisindən verilən açıqlamada İsrail ordusu Qəzzanın mərkəzində Yərmuk bazarı yaxınlığında köçkünlərin yaşadığı çadırı bombaladığı bildirilib.
Hücum zamanı jurnalist Əbu Herbid və onun üç qohumu həlak olub, həyat yoldaşı və uşaqları isə yaralanıb.
Qəzzada jurnalistlərin sistematik şəkildə öldürülməsi “ən sərt şəkildə” pislənilib, Beynəlxalq Jurnalistlər Federasiyası, Ərəb Jurnalistlər Birliyi və dünya üzrə bütün media qurumları Qəzza zolağında fələstinli mətbuat nümayəndələrinə qarşı törədilən sistematik cinayətləri pisləməyə çağırılıb.
Bəyanatda, "Biz İsrail işğalını, ABŞ rəhbərliyini və soyqırımda iştirak edən Böyük Britaniya, Almaniya və Fransa kimi ölkələri bu iyrənc və vəhşi cinayətləri törətməkdə məsuliyyət daşıyırıq" deyə qeyd olunub.
Qeyd edək ki, açıqlamada Qəzza zolağına hücumların başladığı 7 oktyabr 2023-cü ildən bu yana öldürülən jurnalistlərin sayının 232-yə yüksəldiyi vurğulanıb.
