15
BAKI, AzerVoice
Yəmənin cənubundakı Ləhc vilayətində yerləşən Əl-Ənəd hərbi hava bazasında bir sıra partlayışlar baş verib.
AzerVoice xəbər verir ki, bu barədə Yəmənin “Əl-Məşhəd” portalı məlumat yayıb.
Məlumata görə, partlayışlar bugün axşam saatlarında hava bazasındakı silah anbarlarından birində baş verib. Partlayış səsləri baza ətrafında və qonşu Ədən vilayətinin kənarlarında da eşidilib.
Məlumat üçün bildirək ki, Əl-Ənəd Yəmənin ən böyük hərbi bazalarından biridir. Bu baza daha əvvəl də “Ənsar Allah” (husilər) hərəkatı tərəfindən hücuma məruz qalmışdı.
