BAKI, AzerVoice
ABŞ-ın İrandakı obyektlərinə endirdiyi zərbələrə cavab veriləcək.
AzerVoice xəbər verir ki, bu fikirləri İran Prezidenti Məsud Pezeşkian Fransa Prezidenti Emmanuel Makronla telefon danışığı zamanı səsləndirib.
“ABŞ bizə hücum etdi. Siz bizim yerimizdə olsaydınız nə edərdiniz? Təbii ki, cavab verilməlidir” - deyə, Pezeşkian bildirib.
“Xalqımız heç vaxt güc və hədəqorxu qarşısında boyun əyməyəcək və təcavüzə müvafiq şəkildə cavab veriləcək” - deyə, Pezeçkian əlavə edib.
O vurğulayıb ki, Tehran daim danışıqlara hazır olduğunu bildirib, lakin qarşı tərəf İran xalqının təslim olmasını tələb edib.
Qeyd edək ki, ABŞ Hərbi Hava Qüvvələri iyunun 22-ə keçən gecə İran ərazisində yerləşən Fordo, Nətənz və İsfahan nüvə obyektlərinə hava zərbələri endirib. Hücum nəticəsində hər üç nüvə obyektinin məhv edildiyi qeyd olunub.
