BAKI, AzerVoice
İsrailin paytaxtı Təl-Əvivin ən sıx nəqliyyat nöqtələrindən birində, ABŞ prezidenti Donald Trampa ünvanlanmış çağırışla bağlı böyük bir plakat yerləşdirilib.
AzerVoice bu barədə xarici KİV-lərə istinadən xəbər verir.
Bildirilib ki, böyük plakat Təl-Əvivin şərqində yerləşən əsas avtomobil yollarından birinin kənarına qoyulub. Plakatda ABŞ bayraqları fonunda Donald Trampın portreti təsvir olunub və ingilis dilində belə bir çağırış yer alıb: “Cənab Prezident, bu işi bitirin!”
Qeyd edək ki, Ağ Evin sözçüsü Kerolayn Livitt bildirmişdi ki, Tramp İranla nüvə proqramı üzrə diplomatik əlaqə qurmaq üçün real imkanlar görür və ABŞ-ın İrana hərbi zərbələr endirib-endirməyəcəyi barədə qərarı iki həftə ərzində verəcək. Bundan əvvəl Tramp bu ehtimalı istisna etməmişdi.