BAKI, AzerVoice

ABŞ və İran arasında Tehranın nüvə proqramı ilə bağlı aparılan danışıqların beşinci raundunda müəyyən, lakin yekunlaşmamış irəliləyişə nail olunub.

AzerVoice xəbər verir ki, bu barədə danışıqlarda vasitəçi qismində çıxış edən Omanın xarici işlər naziri Bədr əl-Busaidi X sosial şəbəkəsində verdiyi açıqlamada bildirib.

“Bu gün Romada İran və ABŞ arasında aparılan danışıqların beşinci raundu başa çatdı. Görüşlərdə müəyyən, lakin tam nəticəyə gətirməyən irəliləyiş əldə olundu. Ümid edirik ki, yaxın günlərdə qalan məsələlərə aydınlıq gətirəcəyik və bu da bizi ortaq məqsədə – davamlı və layiqli bir sazişin əldə olunmasına doğru aparacaq” - deyə, açıqlamada bildirilib.

Qeyd edək ki, bugün İtaliyanın paytaxtı Romada Tehranın nüvə proqramı ilə bağlı fikir ayrılıqlarının həlli məqsədilə ABŞ və İran arasında aparılan danışıqların beşinci raundu başa çatıb.

İranın xarici işlər naziri Seyid Abbas Araqçi danışıqların bu mərhələsini indiyədək aparılanların ən peşəkarı adlandırıb.

O, həmçinin, qeyd edib ki, ABŞ və İran danışıqların yeni raunduna hazırlaşırlar.