Bakı,AzerVoice

İsrail və Livanın Hizbullah qruplaşması arasında atəşkəs çərşənbə günü səhər tezdən başlayıb.

AzerVoice ArabAZ-a istinadən xəbər verir ki, İsrail Hizbullahın çərşənbə axşamı elan etdiyi atəşkəs razılaşmasını pozacağı təqdirdə hücum edəcəyini bildirib.

Yerli hakimiyyət orqanlarının məlumatına görə, çərşənbə axşamı İsrailin Livana endirdiyi zərbələr nəticəsində azı 42 nəfər həlak olub. Hizbullah çərşənbə axşamı İsrailə də raket zərbələri endirib.

İsrail-Hizbullah atəşkəsi 2023-cü il oktyabrın 7-də HƏMAS-ın İsrailə hücumu nəticəsində yaranan regional iğtişaşlara son qoymaq üçün ilk böyük addımdır. Lakin bu atəşkəs, Qəzzada dağıdıcı müharibəyə şamil edilmir.

Hizbullah HƏMAS-ın hücumundan bir gün sonra İsrailə hücum etməyə başladı. Livandakı döyüşlər sentyabr ayında İsrailin ölkə daxilində kütləvi hava hücumları və İsrailin cənuba qurudan hücumu ilə genişmiqyaslı müharibəyə çevrildi.

Qəzzanın Səhiyyə Nazirliyinin məlumatına görə, Qəzzada İsrail və HƏMAS arasında təxminən 14 aydır davam edən müharibədə 44 mindən çox insan həlak olub, 104 mindən çox insan isə yaralanıb.