Bakı. AzerVoice:
HƏMAS bəyan edib ki, Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Cozep Borrelin bəyanatları İsrailin Birləşmiş Millətlər Təşkilatının Fələstinli Qaçqınlara Yardım Agentliyi (UNRWA) ilə bağlı iddialarının əsassız olduğunu sübut edir.
AzerVoice-un məlumatına görə, dünən verdiyi açıqlamada Borrell, İsrailin UNRWA-nı bağlamaq üçün siyasi iradəsini gizlətmədiyini və ittihamları sübuta yetirməli olan tərəfin İsrail olduğunu, lakin bu günə qədər iddialarla bağlı heç bir dəlil təqdim edilmədiyini bildirib.
"Borrelin açıqlamaları göstərir ki, İsrail illərdir UNRWA-dan qurtulmaq istəyir, UNRWA və əməkdaşlarına qarşı uydurma ittihamların arxasında sionistlər dayanır",- deyə Həmasdan verilən yazılı açıqlamada bildirilib.
Açıqlamada UNRWA-nın fələstinli qaçqınların sağ qalması üçün əhəmiyyəti vurğulanıb və İsrailin hələ də UNRWA-nı hədəf alan iddialarına heç bir dəlil təqdim edə bilmədiyi qeyd edilib.
Bəyanatda həmçinin o da göstərilib ki, UNRWA Baş Komissarı, iddialarını sübut edəcək heç bir şey tapa bilməyən yalan detektoru İsrailə təslim olmamaq və Agentliyə ianələri davam etdirmək çağırışı da edib.
Qeyd edək ki, İsrail UNRWA-nın beş əməkdaşının HƏMAS-ın 7 oktyabr Əl-Əqsa daşqın əməliyyatında iştirak etdiyini iddia edərək, ABŞ, Kanada, Avstraliya, İngiltərə, Fransa, İtaliya və Almaniya kimi ölkələri agentliyin maliyyələşdirilməsini dayandırmağa məcbur edib.
Aytac Süleymanova
Twitter: a_alieva_