BAKI, Azervoice, Nərmin Ağayeva

Türkiyə Qəzzaya humanitar yardımlarını davam etdirir.

Azervoice xəbər verir ki, Türkiyə Fövqəladə Hallar və Fövqəladə Halların Rəhbərliyi (AFAD) 7 oktyabr 2023-cü ildən etibarən Qəzzaya ümumilikdə 101 min 271 ton humanitar yardımın çatdırıldığını açıqlayıb. Yardımlar 14 təyyarə və 16 gəmi ilə, həmçinin yerli təchizatla həyata keçirilib.

Göndərilən yardım paketləri arasında qida məhsulları, içməli su, sığınacaq üçün konteyner və çadırlar, tibbi ləvazimatlar, gigiyena vasitələri və enerji üçün generatorlar yer alıb. Uşaqlar üçün ərzaq, geyim və sığınacaq materialları xüsusi diqqət mərkəzində olub.

Səhiyyə Nazirliyinin koordinasiyasında 430 xəstə və 450 refakatçi Türkiyəyə gətirilib, eləcə də 1834 nəfər sığınacaqla təmin olunub. Misir Qızıl Aypara Cəmiyyətinə və Türk Qızıl Aypara Cəmiyyətinə də milyonlarla dollar məbləğində maddi dəstək göstərilib.

BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) ilə əməkdaşlıq çərçivəsində isə əlavə 65 min 273 ton un göndərilib.

Qəzza üçün yanacaq dəstəyi proqramı çərçivəsində isə yaxın vaxtlarda 250 ton yanacaq tədarükü həyata keçiriləcək.

Qeyd edək ki, Türkiyənin göstərdiyi bu humanitar yardımlar bölgədə ağır vəziyyətdə olan mülki əhaliyə dəstək məqsədi daşıyır və davam etdirilir.