BAKI, AzerVoice
İtaliyanın paytaxtı Romada Tehranın nüvə proqramı ilə bağlı fikir ayrılıqlarının həlli məqsədilə ABŞ və İran arasında aparılan danışıqların beşinci raundu başa çatıb.
AzerVoice xəbər verir ki. bu bardədə Axios portalı məlumat yayıb.
Məlumata görə məsləhətləşmələr üç saat davam edib.
İranın xarici işlər naziri Seyid Abbas Araqçi danışıqların bu mərhələsini indiyədək aparılanların ən peşəkarı adlandırıb.
O, həmçinin, qeyd edib ki, ABŞ və İran danışıqların yeni raunduna hazırlaşırlar.
"İran və ABŞ yeni danışıqların yeni raunduna hazırlaşırlar və biz ümid edirik ki, bir-iki görüşlə irəliləyişə nail olacağıq” – deyə, Araqçi bildirib.
Romadakı görüşlərdə İran nümayəndə heyətinə xarici işlər naziri Seyid Abbas Araqçi, ABŞ tərəfinə isə prezidentin xüsusi nümayəndəsi Stiven Uitkoff rəhbərlik edib.
Məsləhətləşmələr Oman səfirinin iqamətgahında keçirilib. Danışıqlarda Oman xarici işlər naziri Bədr əl-Busaidi vasitəçi kimi çıxış edib.
