Bakı,AzerVoice

Ərəb Liqası ABŞ və Avropa Birliyi ölkələrini İsrailə silah və sursat ixracını dayandırmağa çağırıb.AzerVoice xəbər verir ki,Ərəb Liqası İsrail ordusunun 200 gündən artıqdır ki, hücumlarını davam etdirdiyi Qəzza zolağında baş verənləri müzakirə etmək üçün daimi nümayəndələr səviyyəsində fövqəladə iclas keçirib.

Birlik “İsrailin Qəzza zolağı, İordan çayının qərb sahili və Məscidül-Əqsada Fələstin xalqına qarşı təcavüzü və soyqırımı”nı qətiyyətlə pisləyib.

İsrail ordusunun Rəfah şəhərinə hücum niyyətinin Fələstin xalqına qarşı yeni bir qətliam mənasına gəldiyinə dair xəbərdarlıq edən birlik, Birləşmiş Millətlər Təşkilatının (BMT) Təhlükəsizlik Şurasının BMT-nin 7-ci fəslinin maddələrinə uyğun olaraq bəyanat yaydığını bildirib.

Birlik həmçinin Fələstinin Birləşmiş Millətlər Təşkilatına (BMT) tam üzvlük müraciətinə ABŞ-ın veto qoymasını pisləyib.

Ərəb Liqası bəyan edib ki, veto ABŞ-ın regionda sülh, təhlükəsizlik və sabitliyin tələb və prinsiplərini yerinə yetirmədiyini və iki dövlətli həlli dəstəkləyən bəyannaməsinə zidd olduğunu göstərdi.