Bakı,AzerVoice
Hizbullah başa düşməlidir ki, biz təhlükəsizliyi bərpa edəcəyik, AzerVoice xəbər verir ki , bunu İsrailin baş naziri Benyamin Netanyahu Hermon dağında İsrail ordusu mənsubları ilə görüşü zamanı bildirb.
O qeyd edib ki, (İsrailin cənubunda) bizim bir sadə məqsədimiz var - tam qələbə və bu da olacaq.
“Biz HƏMAS-ın məhv edilməsi və girovlarımızın azad edilməsi yolundayıq. Tam qələbə qazanmayana qədər dincəlməyəcəyik”, - deyə o əlavə edib.
Netanyahu onu da qeyd edib ki, Şimaldakı məqsəd isə, Livan ilə gərginlik nəticəsində evlərini tərk edən vətəndaşları geri qaytarmaq.
Netanyahu vurğulayıb ki, İsrail istənilən vasitə ilə şimalda təhlükəsizliyi bərpa etməyə hazırdır və bu, diplomatiya və ya siyasətlə mümkün olmadıqda, güc yolu ilə həyata keçiriləcək.
“Hər halda Hizbullah başa düşməlidir ki, biz təhlükəsizliyi bərpa edəcəyik. Ümid edirəm ki, onlar bu mesajı alacaqlar”, o əlavə edib.
Oktyabrın 7-də İsrail-Hizbullah toqquşması başlayandan bəri Livanın cənubunda iqtisadi itkilər təxminən 1,2 milyard dollara çatıb.
Zərər əsasən infrastruktura, yollara, binalara və kənd təsərrüfatı sahələrinə dəyib.Müəssisələrin bağlanması səbəbindən 300 milyon dollar civarında dolayı itki də var.
Baş verən lokal toquşmalar nəticəsində, Livanın cənubunda 520 ev tamamilə dağıdılıb, 3300 evə isə qismən ziyan dəyib.
Məlumat üçün bildirək ki,oktyabrın 7-də İsrail və Qəzzada yerləşən Fələstin silahlı qruplaşması HƏMAS arasında müharibə başlayandan bəri Livan-İsrail sərhədində İsrail və HƏMAS-ın müttəfiqi olan Hizbullah arasında hər gün atışma müşahidə olunur.
İsrailin Livanın sərhəd kəndlərini dəfələrlə bombardman etməsi nəticəsində, əksəriyyəti Hizbullah döyüşçüləri olmaqla 227 nəfəri, həmçinin üçü jurnalist də daxil olmaqla 27 mülki sakin həlak olub. İsrail ordusunun məlumatına görə, İsrail tərəfində, şimal sərhəd bölgəsində 9 əsgər və 6 mülki olmaqla 15 nəfər həlak olub.
Döyüşlər həmçinin sərhədin hər iki tərəfində on minlərlə sakini didərgin salıb.
