Bakı. AzerVoice:
ABŞ administrasiyası işğal altındakı İordan çayının qərb sahilində xidmət edən İsrail hərbçilərinə qarşı sanksiyalar tətbiq etməyə hazırlaşır.
AzerVoice-nin məlumatına görə, bu barədə İsrailin dövlət televiziyası bildirib.
ABŞ administrasiyası İsraili mühacirlərin fələstinlilərə qarşı zorakılığına qarşı dəfələrlə xəbərdar edib, lakin Təl-Əviv rəhbərliyinin cavabı adekvat olmayıb.
Məlumat üçün bildirək ki, İsrailin Baş naziri Benyamin Netanyahu Rəfah qapısı bölgəsinə əməliyyat keçirmək üçün İsrailin ehtiyat qüvvələrini səfərbər etməyə çağırıb.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 30 minə yaxınlaşıb.
Hafiz Rufizoğlu