Bakı,AzerVoice
İslami Müqavimət Hərəkatının (HƏMAS) keçən 7 oktyabr hücumlarında istifadə etdiyi silahların çoxu gözlənilməz mənbədən, yəni İsrail ordusunun özündən gəlib. AzerVoice-nin məlumatına görə, bu haqda “The New York Times” qəzeti yazıb.
“ İlərdir ki, analitiklər İsrailin Qəzza zolağının hərbi blokadasına baxmayaraq, HƏMAS-ın necə bu qədər silahla təmin olunduğu sual doğurur. Bəzi analitiklər silahların tunellər vasitərsi ilə edildiyini qeyd edir. Lakin son kəşfiyyat məlumatları İsrailib, Qərbin ekspertlərinin fikrincə, HƏMAS-ın bir çox raket və tank əleyhinə silahlarını İsrail Qəzzaya atdığı zaman partlamamış minlərlə sursatdanəldə etdiyi ortaya çıxır” –deyə qəzetdə yazılır.
Məlumata eləcə də qeyd olunur ki,İsrail hakimiyyəti oktyabrın 7-dən əvvəl Həmas-ın niyyətlərini yanlış qiymətləndirdiyi kimi, onun silah əldə etmək imkanlarını da lazımi səviyyədə qiymətləndirməyib.
Qəzet qeyd edir ki, indi aydın olan odur ki, İsrail qüvvələri son 17 ildə Qəzzanı mühasirə edərkən istifadə etdiyi silahların eynisi indi onlara qarşı da istifadə olunur.
Qəzetdə İsrail Milli Polisinin idarəsinin bomba zərərsizləşdirilməsi şöbəsinin keçmiş rəis müavini və İsrail polisinin müşaviri Maykl Kardaşdan sitat gətirib ki, “Həmas üçün partlamamış hərbi sursatlar əsas partlayıcı mənbəyidir”.
Silah mütəxəssisləri deyirlər ki, sursatların təxminən 10%-i adətən partlamır, lakin İsraildə bu rəqəm daha çox ola bilər.
Anonimlik şərti ilə qəzetə danışan bir İsrail kəşfiyyatçısı deyib ki, ordunun Qəzzada istifadə etdiyi silahların ( raket vı bomba) 15%-i partlamır.
Digər bir tərəfdən İsrailin arsenalında ABŞ və digər hərbi güclərin çoxdan dayandırdığı Vyetnam dövrünə aid raketlər var.
