BAKI, AzerVoice
Qəzzada evlərin 90 faizindən çoxu dağılıb.
AzerVoice xəbər verir ki, Birləşmiş
Millətlər Təşkilatının Beynəlxalq Miqrasiya Təşkilatı (BMqT)
İsrailin hücumları nəticəsində Qəzza zolağında evlərin 90 faizindən
çoxunun dağıldığını bəyan edib.
Təşkilatın X platformasında yayımladığı açıqlamada, ailələrin
təhlükəsiz sığınacaq tapmadığı üçün dağılmış xarabalıqlarda
yaşamağa məcbur qaldığı qeyd olunub. BMqT, yardım göstərməyə hazır
olduğunu, lakin bunun üçün bölgəyə giriş məntəqələrinin dərhal
açılmasının vacibliyini vurğulayıb.
Qeyd edək ki, 19 yanvar 2024-cü ildə qüvvəyə minmiş atəşkəsi pozan İsrail ordusu 18 mart səhəri Qəzzaya yenidən intensiv hücumlara başlayıb. Nəticədə əksəriyyəti qadın, uşaq və yaşlılardan ibarət olmaqla 1890 nəfər həlak olub, 4950 nəfər isə yaralanıb. Ümumilikdə, 7 oktyabr 2023-cü ildən bu yana İsrailin hücumlarında həyatını itirən fələstinlilərin sayı 51 min 266-ya, yaralıların sayı isə 116 min 991-ə çatıb.
