BAKI, AzerVoice
"Bitcoin" ABŞ ilə Avropa İttifaqı (Aİ) arasında xarici ticarət sahəsində gərginliyin artması fonunda bahalaşmaqda davam edir.
AzerVoice xəbər verir ki, Bakı vaxtı ilə saat 09:50-yə olan məlumata görə, bitkoin 2,4 faiz bahalaşaraq 122 min ABŞ dollarına çatıb. Son beş ticarət sessiyasında kriptovalyutanın məzənnəsi ümumilikdə 13,2 faiz artıb.
Xatırladaq ki, ABŞ prezidenti Donald Tramp şənbə günü yaydığı iki ayrı bəyanatda Meksika və Aİ ölkələrindən idxal olunan mallara qarşı 30 faizlik gömrük rüsumları tətbiq ediləcəyini açıqlayıb.
“Avqustun 1-dən etibarən Aİ ölkələrindən idxal olunan mallara 30 faizlik tarif tətbiq edəcəyik ki, Aİ ilə olan ticarət kəsirimizi aradan qaldıraq” – deyə, Tramp bildirib. O, bununla yanaşı danışıqların davam etdirilə biləcəyini də istisna etməyib.
"Annex Wealth Management"-in baş iqtisadçısı Brayan Ceykobsen bu addımı belə şərh edib:
“İnvestorlar düşünməməlidir ki, Tramp sadəcə blef edir. Bu, olduqca yüksək tarifdir, lakin Aİ-yə ABŞ-dan daha böyük zərbə vuracaq.”
