BAKI, AzerVoice
"Bitcoin"in dəyəri bu ilin 7 fevral tarixindən bəri ilk dəfə olaraq 100 min ABŞ dollarını keçib.
AzerVoice xəbər verir ki, bu barədə Binance platformasının məlumatlarında qeyd olunub.
Belə ki, Bakı vaxtı ilə saat 19:21-də "Bitcoin" 3,1 faiz bahalaşaraq 100 min 500 dollar səviyyəsində olub.
Saat 19:38-ə olan məlumata görə isə, "Bitcoin" artım tempini sürətləndirib və 100 min 793 dollar dəyərində ticarət olunub.
Məlumat üçün bildirək ki, Bitcoin — blokçeyn texnologiyasına əsaslanan eyniadlı kriptovalyutanın mərkəzləşdirilməmiş sistemidir. Konsepsiyası 2008-ci ilin noyabrında Satoşi Nakamoto təxəllüslü müəllif (və ya müəlliflər qrupu) tərəfindən təqdim olunub. "Bitcoin"in populyarlıq zirvəsi yalnız son illərdə müşahidə olunub. Kriptovalyutanın emissiyası təbii yolla məhdudlaşdırılıb və bu günə qədər "Bitcoin"lərin böyük hissəsi artıq “çıxarılıb”.