Bakı. TurkicWorld:
Kriptovalyuta birjası OKX Türkiyədə türk lirəsi ilə ifadə olunan ticarət cütlərini özündə əks etdirən lokallaşdırılmış platforma istifadəyə verib.
TurkicWorld-un məlumatına görə, bu barədə OKX Türkiyə öz rəsmi X hesabında paylaşım edib.
"Türkiyə bizim üçün çox vacib və xüsusi bazardır. Kriptovalyutanın qəbulu və kriptovalyuta əməliyyatlarının həcmi baxımından Türkiyə sektorda yüksək yer tutur" - deyə OKX prezidenti Honq Fanq bildirib.
OKX yerli müştərilər üçün USDT/TRY, BTC/TRY və ETH/TRY ticarət cütlərini təqdim edərək 2023-cü ilin əvvəlində Türkiyəyə genişlənmə planlarını açıqlayıb.
Türkiyənin mərkəzi bankları Akbank və Garanti BBVA da ölkənin kriptovalyuta tənzimləyici çərçivəsinin yaradılması istiqamətində atdığı addımla uyğunlaşaraq kripto layihələrini həyata keçirib.
OKX-in əməliyyatları Honq-Konq, Birləşmiş Ərəb Əmirlikləri və Baham adaları da daxil olmaqla, artıq Türkiyədə də yerinə yetirilə biləcək.
