BAKI,AzerVoice

Adolf Hitler Uunona — Namibiyada fəaliyyət göstərən yerli siyasətçidir. O, 3 dekabr 1965-ci ildə o vaxt “South West Africa” adlanan bölgədə dünyaya gəlib. Uunona uzun illərdir Namibiyanın şimalında yerləşən Ompundja dairəsində ictimai-siyasi fəaliyyət göstərir və 2004-cü ildən bəri həmin dairənin məclis üzvüdür. O, ölkənin ən böyük siyasi partiyalarından biri olan SWAPO-nun nümayəndəsidir.

Uunona 2010, 2015 və 2020-ci illərdə keçirilən seçkilərdə dəfələrlə qalib gələrək vəzifəsini davam etdirib. Xüsusilə 2020-ci il seçkilərində o, səsvermənin təxminən 85 faizini qazanaraq beynəlxalq medianın diqqətini cəlb edib. Səbəb isə onun adının “Adolf Hitler” olmasıdır.

Siyasətçi müsahibələrində bildirib ki, atasının ona bu adı verməsi tarixi Adolf Hitlerlə bağlı deyil. O dövrdə ailəsi adın mənşəyi barədə məlumatlı olmayıb və sadəcə ad kimi seçiblər. Buna baxmayaraq, Uunona adının yaratdığı mənfi assosiasiyalardan çəkinir və ictimaiyyət qarşısında çox vaxt yalnız “Adolf Uunona” kimi tanınır.

2025-ci ildə yenidən seçkilərə hazırlaşarkən o, rəsmi sənədlərdə soyadının “Hitler” hissəsini çıxartdırdığını açıqlayıb. Bununla da, o, siyasi fəaliyyətini daha neytral adla — “Adolf Uunona” — davam etdirmək qərarına gəlib.Adolf Hitler Uunona son seçkilərdən əvvəl nasist ideologiyası ilə heç bir əlaqəsi olmadığını və dünyaya hökmranlıq etməyə çalışmadığını bildirmişdi.