BAKI,VOA

Türkiyə Prezidenti Rəcəb Tayyib Ərdoğan Ankarada şəhid və qazi ailələrinin iştirakı ilə təşkil edilən ilk iftar proqramında çıxış edib.VOA xəbər verir ki, Ərdoğan çıxışında Türkiyənin istiqlal mübarizəsindən, müdafiə sənayesindəki sıçrayışdan və regional sülh proseslərindən bəhs edərək dünyaya kəskin mesajlar ünvanlayıb.

"Nə etdilərsə, bizi bu torpaqlardan söküb ata bilmədilər"

Prezident Ərdoğan şəhidlik mərtəbəsinin ucalığından danışıb.

"Şəhidlik mərtəbəsinə ucalmaq Allah qatında nə qədər qiymətlidirsə, geridə qalanların səbirli və mətanətli olması da bir o qədər qiymətlidir. Millətimiz min ildir yaşadığı bu torpaqları özünə əbədi vətən etmək üçün çox çətin sınaqlardan keçdi. Səlib yürüşlərinə, monqol hücumlarına, işğal cəhdlərinə məruz qaldıq. Şəhərlərimiz talan edildi, kəndlərimiz dəfələrlə yandırıldı, dağıdıldı."-deyə o qedy edib

Dövlət başçısı vurğulayıb ki, bütün bu hücumlara baxmayaraq, Türkiyənin iradəsini sındırmaq mümkün olmayıb: "Nə etdilərsə, bizi bu torpaqlardan ayıra bilmədilər. Gündə 5 dəfə səmaya yüksələn azanları susdura bilmədilər. Bayrağımızı endirə bilmədilər. Can verdik, canımızdan əziz bildiyimiz övladlarımızı torpağa tapşırdıq, lakin tariximizin heç bir dövründə istiqlalımızdan taviz vermədik."

Malazgirt ruhundan 15 İyul dastanına

Ərdoğan qeyd edib ki, Türkiyə üzləşdiyi bütün bəlalardan Malazgirt və Çanaqqala ruhu ilə xilas olub.

"Kiprdə axan qanı bu ruhla durdurduq. 15 İyul dastanını bu ruhla yazdıq. İqtisadi hücumları və milli birliyimizi pozmağa yönəlmiş dezinformasiya kampaniyalarını bu ruhla dəf etdik. Şehidlərimizin həyatları bahasına bizə əmanət etdiyi dəyərlər vətəndir, azandır, bayraqdır, müstəqillikdir. Biz də 23 ildir bu əmanətlərə sahib çıxmaq üçün mübarizə aparırıq."-deyə Ərdoğan qeyd edib.

"Quzu dərisinə bürünmüş kaftar sürülərinin fəqrindəyik"

Ərdoğan, Qərb ölkələrinin və bəzi qlobal güclərin simasını tənqid edib.

"Yaxın çevrəmizdə ciddi böhranlar və münaqişələr yaşanır. İllərlə bizə əxlaq satanların, demokratiyadan dəm vuranların, hüquq və azadlıq anlayışlarını bir dəyənək kimi istifadə edənlərin çirkin üzləri tək-tək ortaya çıxır. Mədəniyyət dediklərinin tək dişi qalmış canavar olduğunu hamımız bir daha görürük. Dövlətimiz bu çətin prosesləri uğurla idarə edir. Oynanan oyunların da, qurulan tələlərin də, tələ quranlarla birlikdə quzu dərisinə bürünmüş kaftar sürülərinin də fərqindəyik."

Müdafiə sənayesi və "Terrorsuz Türkiyə" missiyası

Türkiyə prezidenti bildirib ki, Türkiyə təhlükəsizliyi üçün yalnız sərhədləri daxilində deyil, xaricində də mübarizə aparır
"Bu gün PUA-lar, SİHA-lar, raketlər, gəmilər, helikopterlər və tanklar daxil olmaqla demək olar ki, hər sahədə öz ehtiyaclarımızı özümüz qarşılayırıq. İnşallah sabah növbə döyüş təyyarələrinə və təyyarə gəmilərinə gələcək. Əzm etdik, çalışdıq və 23 ildə bu yerlərə gəldik."-deyə o qeyd edib.