BAKI, AzerVoice, Nailə Babazadə

İstanbul Respublika Baş Prokurorluğu tərəfindən İŞİD terror təşkilatına qarşı aparılan istintaq çərçivəsində keçirilən əməliyyat nəticəsində 8 şübhəli şəxs gözaltına alınıb.

AzerVoice xəbər verir ki, Terrorizmin Maliyyələşdirilməsinin Qarşısının Alınması və Çirkli Pulların Yuyulması Bürosu terror təşkilatının maliyyə fəaliyyətini ifşa etmək məqsədilə İstanbul şəhər Daxili Qoşunlar Komandanlığı ilə birgə genişmiqyaslı iş aparıb. Araşdırmalar zamanı A.G. adlı şəxsin Suriyadakı münaqişə zonalarında fəaliyyət göstərən terrorçular və onlara rəğbət bəsləyənlər üçün "infak" adı altında vəsait topladığı müəyyən edilib.

İstintaq çərçivəsində MASAK və rabitə məlumatlarının təhlili nəticəsində daha 8 nəfərin İŞİD üzvləri ilə pul köçürmələri və əlaqələrinin olduğu üzə çıxıb. İstanbulun 8 fərqli ünvanında eyni vaxtda keçirilən reydlər zamanı şübhəlilər yaxalanıb və onların yaşadığı yerlərdə tapılan rəqəmsal materiallar müsadirə edilib. Hazırda saxlanılan şəxslərlə bağlı hüquqi prosedurlar davam edir.