BAKI, AzerVoice, Nailə Babazadə

Qəzzada son iki ildə insan hüquqları pozuntusunu aşan bir soyqırım cinayəti baş verir. 65 mindən çox günahsız insan dünyanın gözü qarşısında qətlə yetirilib. Onların əksəriyyəti qadın və uşaqlardır. Təəssüf ki, Qərb burada ikili standart nümayiş etdirir. Qadın və uşaq hüquqlarından danışanlar, jurnalistlər öldürülərkən mətbuat azadlığından danışanlar Fələstin məsələsində susurlar

AzerVoice xəbər verir ki,Türkiyənin Ədliyyə naziri Yılmaz Tunç, Antalyada Ədliyyə Təşkilatını Gücləndirmə Vəqfinin (ATGV) təşkilatçılığı ilə keçirilən Beynəlxalq 20-ci Məhkəmə-Tibb Günləri çərçivəsində çıxış edərkən bildirib.

Tunç çıxışında Fələstin və Qəzzada uzun illərdir davam edən insan hüquqları pozuntularına toxunaraq, son iki ildə bölgədə artıq insan hüquqları pozuntusundan deyil, birbaşa soyqırım cinayətindən bəhs edilməli olduğunu bildirib:

Nazir əlavə edib ki, Qərbin rəsmi dairələrinin susqunluğuna baxmayaraq, Avropa və digər ölkələrdə cəmiyyətin vicdanı bu vəziyyəti qəbul etmir, insanlar küçələrə axışaraq hökumətlərə təzyiq göstərirlər.

Tunç həmçinin Rəcəb Tayyib Ərdoğanın bu məsələdə beynəlxalq aləmdəki aktiv mövqeyini vurğulayaraq qeyd edib ki, BMT Baş Assambleyasında etdiyi çıxışlarda “Dünya beşdən böyükdür”, “Daha ədalətli bir dünya mümkündür” mesajları ilə Fələstin xalqının haqq səsini bütün dünyaya çatdırır.