BAKI,AzerVoice, Fərid Mikayılov
Türkiyənin milli müdafiə naziri Yaşar Gülər, Türkiyə–Pakistan Qarışıq Hökumətlərarası Komissiyasının (KEK) 16-cı iclasında iştirak etmək üçün rəsmi səfərlə Pakistana gedib.
AzerVoice xəbər verir ki, Gülər Pakistanın ticarət naziri Cam Kamal Xan ilə görüşüb.
Görüşdə ikitərəfli münasibətlər, iqtisadi əməkdaşlıq imkanları və qarşılıqlı maraq doğuran məsələlər müzakirə olunub.
Türkiyə və Pakistan arasında dostluq və qardaşlıq əlaqələrinin daha da möhkəmləndirilməsi məqsədi daşıyan səfər çərçivəsində Gülərin hökumət və hərbi rəhbərliklə bir sıra görüşlər keçirəcəyi gözlənilir.
