BAKI, AzerVoice, Səməd Əyyubov
Türkiyə Böyük Millət Məclisinin (TBMM) sədri Numan Kurtulmuş, İsrailin Qəzza zolağına hücumu, soyqırım siyasəti, aclıq vasitəsilə göstərdiyi təzyiqlər və bölgədəki ümumi vəziyyət barədə məlumat vermək məqsədilə parlamenti avqustun 29-da fövqəladə iclasa çağırıb.
AzerVoice xəbər verir ki, bu barədə TBMM Rəyasət Heyətinin açıqlama yayıb.
Bildirilib ki, Kurtulmuşun çağırışı, icra orqanının TBMM Daxili Nizamnaməsinin 59-cu maddəsinin ikinci bəndinə əsaslanan tələbinin qarşılanması məqsədilə, Konstitusiyanın 93-cü və Daxili Nizamnamənin 7-ci maddələrinə uyğun olaraq həyata keçirilib. İclasın avqustun 29-da, yerli vaxtla saat 14:00-da (Bakı vaxtı ilə 15:00-da) keçiriləcəyi bildirilib.
Fövqəladə iclasda xarici işlər naziri Hakan Fidanın TBMM Baş Assambleyasına geniş məlumat verəcəyi gözlənilir.
Hazırda Qəzza zolağında vəziyyət gərgin olaraq qalır. İsrail ordusunun hücumları davam edir və bölgədə humanitar böhran getdikcə dərinləşir.
