BAKI, AzerVoice, Səməd Əyyubov
Türkiyənin Balıkesir vilayətində 4,1 bal gücündə zəlzələ baş verib.
AzerVoice xəbər verir ki, bu barədə Türkiyənin Fövqəladə Halların İdarəolunması Agentliyi (AFAD) məlumat yayıb.
Məlumata əsasən, zəlzələ yerli vaxtla saat 19:37-də (Bakı vaxtı ilə 20:37) baş verib. Yeraltı təkanların ocağı 12 kilometr dərinlikdə yerləşib.
İnsan tələfatı və dağıntılar haqqında məlumat verilməyib.
Xatırladaq ki, ötən gün Balıkesir vilayətinin Sındırqı rayonunda 6,1 bal gücündə zəlzələ baş vermişdi. Zəlzələ nəticəsində 16 bina çökmüşdü, bir nəfər isə həyatını itirmişdi. Zəlzələ Balıkesir vilayəti ilə yanaşı ölkənin digər bölgələrində də hiss olunmuşdu.