BAKI, AzerVoice
FETÖ-nün maliyyə dəstəyinə zərbə - 9 şəhərdə 26 nəfər saxlanılıb.
AzerVoice xəbər verir ki, Milli İstihbarat Təşkilatı (MİT), İstanbul Baş Prokurorluğu və İstanbul Polis İdarəsinin koordinasiyalı şəkildə keçirdiyi əməliyyat nəticəsində FETÖ-nün maliyyə strukturuna ağır zərbə vurulub.
Fəaliyyəti davam edən və təşkilatın hazırkı maliyyə axınını təmin edən şəxslərə qarşı aparılan əməliyyat 9 müxtəlif şəhəri əhatə edib. Hüquq-mühafizə orqanlarının intensiv araşdırmaları nəticəsində 26 şübhəli şəxs saxlanılıb.
Əməliyyat zamanı FETÖ-nün müxtəlif kommersiya qurumları, yardım fondları və vasitəçilər vasitəsilə əldə etdiyi vəsaitlərin izlənərək bloklandığı qeyd olunur.
Qeyd edək ki, Türkiyə təhlükəsizlik qurumları FETÖ-nün qalıq şəbəkələrini zərərsizləşdirmək məqsədilə xüsusilə maliyyə kanalları və gizli təşkilatlanma mexanizmlərinə qarşı ardıcıl əməliyyatlar həyata keçirir.
