BAKI, AzerVoice
Türk Hava Yolları beş ölkəyə bütün uçuşları dayandırıb.
AzerVoice xəbər verir ki, Türk Hava Yolları (THY) rəsmi internet səhifəsində yayımladığı açıqlamada İran, İraq, Suriya, İordaniya və Livana bütün uçuşların 31 iyul tarixinədək təxirə salındığını bəyan edib.
THY-nin məlumatına görə, bu tarixlər arasında sözügedən istiqamətlərə bilet almış sərnişinlər pulsuz rezervasiya dəyişiklikləri, biletin müddətinin uzadılması və ya biletin tam dəyərinin geri qaytarılması hüququna malikdirlər.
"13 iyun – 31 iyul 2025-ci il tarixləri arasında İran, İraq, Suriya, İordaniya və Livana planlaşdırılmış uçuşlarımıza təsir edən hadisələrə görə, bütün qeydiyyatdan keçmiş sərnişinlərə alternativ hüquqlar təqdim olunur." - deyə açıqlamada qeyd olunub.
THY sərnişinləri rəsmi kanallardan məlumat almağa və biletləri ilə bağlı dəyişikləri vaxtında həyata keçirməyə çağırıb.
