BAKI, AzerVoice
Türkiyənin Xarici İşlər Nazirliyi, İsrailin Xarici İşlər nazirin verdiyi bəyanatları pisləyib.
AzerVoice xəbər verir ki, bu barədə Nazirliyin verdiyi açıqlamada deyilir.
“İsrailin Xarici İşlər naziri tərəfindən edilən paylaşım ölkəmizə və Prezident Rəcəb Tayyib Ərdoğana qarşı böhtan və yalanlarla doludur.
İsrail rəsmilərinin Prezident Ərdoğanın sözlərinə bu qədər reaksiya verməsi, onun bəyanatında səsləndirilən fikirlərin doğruluğunu bir daha təsdiqləyir.
İsrail bu gün sahib olduğu dəstək və toxunulmazlıq qalxanını itirdiyi zaman, Benyamin Netanyahu və onun cinayət ortaqları mütləq ədalət qarşısında cavab verməli olacaqlar. Prezident Ərdoğanın da qeyd etdiyi kimi, biz Netanyahu və tərəfdaşlarının ədalətli şəkildə mühakimə olunacağına ümid edirik.
İsrail rəhbərliyinin bütün dünyanın gözü qarşısında insanlığa qarşı törətdiyi cinayətlər hər hansı şübhəyə yer qoymadan sənədləşdirilir. İsrailin regionda sülhə təhdid yaradan bütün hərəkətləri, o cümlədən İrana qarşı həyata keçirdiyi hücumlar və Qəzzadakı soyqırım siyasəti ən sərt şəkildə qınanmalıdır.
Beynəlxalq təşkilatları və dünya dövlətlərini İsrailin aqressiyasına qarşı beynəlxalq hüquq və diplomatiya çərçivəsində qətiyyətli mövqe sərgiləməyə çağırırıq” - deyə, bəyanatda qeyd olunub.
