BAKI, AzerVoice
Türkiyə "Maverick" raketlərini eyni vaxtda uğurla sınaqdan keçirib.
AzerVoice xəbər verir ki, Türkiyə Milli Müdafiə Nazirliyi Hərbi Hava Qüvvələri Komandanlığının 181-ci Donanma Komandanlığı tərəfindən iki ədəd AGM-65 “Maverick” raketinin eyni anda atıldığını və hədəflərin dəqiqliklə vurulduğunu açıqlayıb.
Açıqlamaya görə, raketlər Karapınar Atış Poliqonundakı hədəflərə yönəldilib və bu cür sinxron atış ilk dəfə həyata keçirilib. Nazirliyin sosial media hesabında yayımlanan görüntülərdə raketlərin dəqiq zərbələri əks olunub.
Qeyd edək ki, AGM-65 "Maverick" raketləri yüksək dəqiqliklə yerüstü hədəfləri vurmaq üçün istifadə edilən idarəolunan raketlərdir və bu sınaq Türkiyə Hərbi Hava Qüvvələrinin döyüş qabiliyyətinin gücləndirilməsi baxımından önəmli addım hesab olunur.
Hava Kuvvetleri Komutanlığımıza bağlı 181’inci Filo Komutanlığımız tarafından ilk kez eş zamanlı 2 adet “AGM 65 (Maverick) Füzesi” Karapınar Atış Sahası hedeflerine atıldı. Hedefler aynı anda ve tam isabetli olarak vuruldu.#MillîSavunmaBakanlığı pic.twitter.com/VED0Z1CBak
— T.C. Millî Savunma Bakanlığı (@tcsavunma) May 29, 2025