BAKI, AzerVoice
Konyada baş verən 5,2 bal gücündə zəlzələ ilə əlaqəli hər hansı mənfi vəziyyət yoxdur.
AzerVoice xəbər verir ki, bu barədə Türkiyənin Daxili İşlər Naziri Ali Yerlikaya X sosal media hesabında paylaşım edib.
Bu gün Türkiyənin Konya şəhərinin Kulu rayonunda 5,2 bal gücündə zəlzələ baş verib.
“Konya Kuluda 5.2 bal gücündə zəlzələ qeydə alınıb. Ətraf bölgələrdə də hiss olunan zəlzələ ilə bağlı AFAD və əlaqədar qurumların bütün qrupları dərhal sahəyə yönləndirilib”- deyə nazir bildirib.
Zəlzələnin episentri Kulu rayonunda yerləşsə də, titrəyişlər geniş bir ərazidə hiss olunub. Təbii fəlakətə dair ilkin məlumatlara əsasən, dağıntı və insan itkisi yoxdur.