BAKI, AzerVoice

Türkiyədə Muğla sahillərində 6 bal gücündə zəlzələ baş verib.

AzerVoice xəbər verir ki, bu gecə yerli vaxtla saat 01:51-də Türkiyənin Muğla vilayətinin Datça sahillərində Aralıq dənizində 6,0 bal gücündə zəlzələ qeydə alınıb.

Zəlzələ Dənizli, Antalya, Aydın, İzmir, Isparta, Burdur və Manisa kimi ətraf bölgələrdə də hiss olunub.

Fövqəladə Hallar və Fövqəladə Halların Rəhbərliyi (AFAD) məlumatına görə, zəlzələnin episentri Datça rayonundan 155 kilometr aralıda yerləşib və 20 kilometr dərinlikdə baş verib.

Muğla valisi İdris Akbıyık bildirib ki, zəlzələdən sonra bölgədə heç bir mənfi hadisə qeydə alınmayıb və vəziyyət aidiyyəti qurumlar tərəfindən nəzarətdə saxlanılır. Ətraf Mühit, Şəhərsalma və İqlim Dəyişikliyi naziri Murat Kurum isə bildirib ki, zəlzələ heç bir dağıntıya səbəb olmayıb və sahə araşdırmaları davam etdirilir.

Qeyd edək ki, Nəqliyyat və İnfrastruktur naziri Abdulkadir Uraloğlu da sosial media hesabından açıqlama verərək, zəlzələdən təsirlənən bütün vətəndaşlara keçmiş olsun arzularını çatdırıb və ölkənin hər cür fəlakətdən qorunmasını diləyib.