BAKI, AzerVoice
Regionda və dünyada yeni münaqişələrin yaranmasını
istəmirik.
AzerVoice xəbər verir ki, Türkiyə
Milli Müdafiə Nazirliyi (MN) Pakistan və Hindistan arasındakı
gərginliyə münasibət bildirərək, yeni qarşıdurmaların qarşısının
alınmasının vacibliyini vurğulayıb.
Nazirlik mənbələrinin açıqlamasında qeyd olunub ki, mülki əhali və infrastrukturun hədəf alındığı hücumlar qəti şəkildə pislənilir.
“Bölgəmizdə və dünyada yeni qarşıdurmaların baş verməsini istəmirik. Mülki şəxsləri və infrastrukturu hədəf alan hücumları hər fürsətdə pisləyirik. Ümid edirik ki, Pakistan və Hindistan arasındakı gərginlik tezliklə azaldılacaq və bu kimi hadisələrin təkrarlanmaması üçün zəruri mexanizmlər yaradılacaq. Tərəfləri sağlam düşüncə ilə davranmağa çağırırıq” - deyə MN-dən verilən açıqlamada bildirilib.
Nazirlik bəzi KİV-lərdə yayılan, şəhid açıqlamalarında “separatçı terror təşkilatı” ifadəsinin çıxarıldığına dair xəbərləri təkzib edib. Açıqlamada bu iddiaların həqiqəti əks etdirmədiyi və ictimaiyyəti çaşdırmağa yönəldiyi bildirilib.
“Milli Müdafiə Nazirliyinin və Türkiyə Silahlı Qüvvələrinin separatçı terror təşkilatına münasibəti dəyişməz olaraq qalır. Bu mövqeni sual altına almaq və ailələrimizlə aramıza nifaq salmaq məqsədi daşıyan bu kimi iddialarla bağlı hüquqi addımlar atılıb” - deyə bildirilib.
“Bu əməliyyatlar Suriyadakı sabitliyi pozur və qəbuledilməzdir. Biz yalnız rəsmi mənbələrdən gələn məlumatlara etibar olunmasını tövsiyə edirik. Əməliyyatlarımızın təhlükəsiz şəkildə həyata keçirilməsi üçün bölgədəki bütün tərəflərlə koordinasiya davam edir” - deyə nazirlik İsrailin Suriyaya qarşı hava hücumlarına münasibət bildirib.
Nazirlik Kipr Rum Administrasiyasının elan etdiyi 5-ci blokla
bağlı yeni NAVTEX olmadığını bildirib:
“Elan edilmiş sahənin bir hissəsi Türkiyə kontinental şelfinə daxil
olduğuna görə, bu kimi hallarda dərhal tədbir görülür. Hazırda
VALARIS DS-9 qazma gəmisi 10-cu blokda fəaliyyət göstərir”.
MN NATO daxilində yüksək vəzifəyə təyin olunan türk generalı
barədə də məlumat verib.
“Türkiyə NATO tarixində ilk dəfə olaraq NATO Beynəlxalq Hərbi
Qərargahında (IMS) direktor səviyyəsində təmsil olunacaq. Briqada
generalı Eray Üngüder Kooperativ Təhlükəsizlik Direktoru vəzifəsinə
seçilib. Bu təyinat Türkiyənin NATO-da artan nüfuzunun
göstəricisidir” - deyə bəyanatda bildirilib.
