BAKI, AzerVoice
Türkiyədə 2025-ci ilin mart ayına olan rəsmi məlumatlara görə, işsizlik göstəricisi bir əvvəlki ayla müqayisədə 0,3 faiz azalaraq 7,9 faizə düşüb. Bu göstərici 2005-ci ildən bəri qeydə alınan ən aşağı səviyyə olmaqla yanaşı, son 20 ildə ilk dəfə 8 faizin altına enib. Eyni zamanda, işsizlik səviyyəsi son 23 ay ərzində tək rəqəmli səviyyədə sabit qalıb.
AzerVoice xəbər verir ki, bu barədə Türkiyə Statistika Təşkilatının (TÜİK) məlumat verib.
Əsasən, mart ayında 15 yaş və üzəri işsizlərin sayı 65 min nəfər azalaraq 2 milyon 807 min nəfər təşkil edib.
Eyni dövrdə məşğul əhalinin sayı 391 min nəfər artaraq 32 milyon 597 min nəfərə çatıb. Nəticədə məşğulluq nisbəti 0,6 faiz yüksələrək 49,2 faiz olub. Bu göstərici kişilər üçün 66,9 faiz, qadınlar üçün isə 31,9 faiz səviyyəsində qeydə alınıb.
Əmək bazarında iştirak edənlərin ümumi sayı 35 milyon 404 min nəfər olub. Əmək bazarına qatılım nisbəti 53,4 faiz təşkil edib ki, bu da bir ay əvvəllə müqayisədə 0,4 faiz artım deməkdir.
Gənc əhali arasında (15-24 yaş arası) işsizlik 0,1 faiz artaraq 15,1 faizə çatıb. Bu yaş qrupunda kişilərdə işsizlik 11 faiz, qadınlarda isə 22,6 faiz olaraq qiymətləndirilib.
Digər göstəricilərə görə, işçilərin ortalama həftəlik real iş saatı 43,7 saat olub. Bu göstəriciyə işsizlər, natamam işləyənlər və işə başlamağa hazır olan, lakin aktiv şəkildə iş axtarmayan şəxslər daxildir.
