BAKI, AzerVoice
Türkiyənin Kütahya şəhərinin Simav rayonunda bu gün səhər saatlarında 4 saat ara ilə iki dəfə yeraltı təkanlar baş verib. Hər iki zəlzələnin gücü 3,9 bal olaraq ölçülüb.
AzerVoice xəbər verir ki, bu barədə Türkiyə Fövqəladə Halların İdarə Olunması Agentliyi (AFAD) məlumat verib.
İlk zəlzələ yerin 11 kilometr dərinliyində, ikinci zəlzələ isə 6 kilometr dərinlikdə qeydə alınıb.
Zəlzələlər Simavla yanaşı, ətraf rayonlarda da hiss olunub. Lakin rəsmi mənbələrdən verilən açıqlamalara görə, hadisə nəticəsində hər hansı maddi ziyan və ya insan itkisi qeydə alınmayıb.
Hazırda bölgədə seysmik vəziyyət nəzarət altındadır və aidiyyəti qurumlar tərəfindən monitorinq işləri davam etdirilir.
Qeyd edək ki, baş verən bu təkanlar, 23 aprel tarixində İstanbulun Silivri sahillərində qeydə alınan əsas zəlzələnin artçı sarsıntıları kimi dəyərləndirilir. Rəsmilər və mütəxəssislər vətəndaşları diqqətli olmağa və rəsmi qurumların məlumatlarını izləməyə çağırır.
