Bakı,
AzerVoice
Türkiyədə Bursanın Nilüfer rayonunda bu gün yerli vaxtla saat
13:43-də 4 bal gücündə zəlzələ qeydə alınıb.
AzerVoice xəbər verir ki, Fövqəladə
Hallar və Fövqəladə Hallar Rəhbərliyi (AFAD) məlumatına görə,
zəlzələ yerin təxminən 9,74 kilometr dərinliyində baş verib.
Zəlzələ yalnız Bursa ilə məhdudlaşmayıb, ətraf əyalətlərdə də hiss edilib. Təkanları hiss edən bir çox sakin evlərini tərk edərək təhlükəsiz yerlərə keçiblər.
İlkin məlumatlara əsasən, zəlzələ nəticəsində hər hansı bir maddi ziyan və ya insan itkisi qeydə alınmayıb. AFAD və digər aidiyyəti qurumlar vəziyyəti yaxından izləyir.